النجوم ( المؤثرين )

شاهد.. سبب تعرض ابن حتوتة للضرب بالمعبد الذهبي في الهند

طرح اليوتيوبر الأردني قاسم الحتو، الشهير بـ “ابن حتوتة”، فيديو جديد أوضح من خلاله السبب الذي عرضه للضرب من قِبل أحد الأشخاص في المعبد الذهبي الهند.

قال الحتو، في الفيديو الذي نشره عبر موقع نشر الصور والفيديوهات “إنستجرام”، إنه كان يلتقط إحدى الصور في نفس اللحظة التي فوجئ فيها بأحد الأشخاص وهو يقوم بضربه، محاولاً منعه من التصوير.

تابع، أن الموقف تطور بعد ذلك، حيث تم استدعائه لقسم شرطة المعبد، وتم إيداعه في إحدى الغرف المملوءة بالشاشات وذلك لفحص الصور والفيديوهات التي التقطها.

أضاف أنه تم إخلاء سبيله بعد التأكد من أن الصور لا تحتوي على أي شيء مُسيء للمعبد أو صور فاضحة.

View this post on Instagram

واحد من أغرب المواقف صار أثناء تصوير هاي الصورة 🤷🏼‍♂️ . . كنت واقف باخد صورة ل @malakontheroad ، جربت اكتر من زاوية، وبس لقيت الزاوية المناسبة، اجيت اضغط كبسة التصوير بس ما قدرت، عشان ما لقيت غير كف نازل على رقبتي بسرعة ٦٠ ميل بالساعة 😰 ما عرفت شو صار، استعدت توازني ولقيت زلمة سيخي كبير بتطلع علي بطريقة غريبة وعم بصيح علينا انا وملاك وأجا بده يضربني، بعّدت عنه، صار يلحق فيي وضليت ابعد وانا بضحك عاللي بصير كتير غريب 😅 فالمهم صار يحكي بصوت عالي انه انتو مش مرحب فيكم هون وهاد مكان للعبادة مش للسياح، طنشته لراح… أول ما رجعت حملت الكاميرا عشان ارجع اصور ملاك وحكتلها انه أحسن شي نتعامل ولا كإنه صار اشي وما نعطيه قيمة 😒 حملت الكاميرا، فشفته بطرف هيني عم برجع معصب وبركض، اول ما وصل رجعت عنه وصار يلحقني وما قدر، فرجع ووقف عند ملاك… ملاك صارت تبهدله، دفشها، فرجعت انا ودفشته وكنا على وشك دخول المعركة انا وملاك، بس الناس مسكوه وصاروا يبهدلوا فيه وسلّموه للأمن police 👮 ما فهمنا شو اللي صار، بعدين اجا واحد اخدنا على غرفة سرية بالمعبد وحكالنا عشان بس يهدى الوضع، وبعدين أخدنا على غرفة زي اللي بالأفلام كلها شاشات وكاميرات وطلبوا يشوفوا الصور اللي صورناها.. الواضح الزلمة فكر عم ناخد صور خادشة للحياء بس بعد التحقق عرف انه كان بتخيل 😳 واحنا قاعدين بالغرفة اجا واحد من برا ركض وصار يضرب بالزلمة كفوف وحكولنا انه من الشرطة… . . بالاخر بعد ما تأكدوا انه الزلمة اعتدى علينا بدون حق حكولنا نطلع وهمه رح يتصرفوا معه واعتذروا كتير عنه وانه هو ما بمثل الناس هناك وفعلا شفنا دورية شرطة داخلة واحنا طالعين 🚔 . . هاد الموقف كان ممكن أحطه بالفيديو عشان المشاهدات كان كتير احسن بس وقتها بكون جزء من الإعلام السلبي، شخص واحد ما بمثل كل الناس اللطيفة اللي قابلناهم وعارف لو شاركت هيك موقف، رح يخلي كل حد بحضر الفيديو يأخذ موقف من كل اتباع الديانة بدل اعتباره موقف استثنائي ما اله علاقة بالدين.. للاسف احنا دايما بنشكي من الصورة السلبية اللي انرسمت عنا بالعالم بغير وجه حق، لكن كلنا بنفس الوقت بنشارك بصنع صور سيئة عن غيرنا بغير وجه حق.. زي اللي بحكي "كل البوذيين معاديين للإسلام" بسبب اللي بصير في بورما والصين او "الله يلعن اليهود" مع انه في كتير يهود واقفين مع فلسطين والموضوع مش ديني 🇵🇸 وكتير شغلات تانية.. . شو رأيكم باللي صار وكيف بتتصرفوا بهيك موقف؟ . . #amritsar #goldentemple #visitIndia #مسافرون_بلا_حدود

A post shared by Kasem Hato (@ibnhattuta) on Nov 12, 2019 at 10:58am PST

يشار إلى أن “ابن حتوتة” يعرض رحلاته ومغامراته حول العالم، من خلال قناته التي تحمل اسم “Ibn Hattuta Travels ” على موقع نشر الفيديوهات “يوتيوب”.

Share this post

Tell Us What You Think

74

Like

83

Love

94

Haha

25

Wow

21

Sad

3

Angry

التعليق

اترك تعليقا

عن المؤلف

Khalifa

VIEW ALL POSTS BY Khalifa